Fondacioni Sheikha Fatima ka mirëpritur drejtoreshën e Spitalit Sheikh Zayed dhe ambasadoren e paqes, zonjën Shefkie Shatri, gjatë një vizite zyrtare që shënoi një moment të rëndësishëm për forcimin e marrëdhënieve mes dy institucioneve.
Gjatë vizitës, zonja Shatri pati mundësinë të njihet nga afër me misionin dhe aktivitetet e fondacionit, të cilat përqendrohen në fuqizimin e individëve përmes programeve të avancuara arsimore dhe trajtimeve të specializuara shëndetësore, përcjell Gazeta Shneta.
Përkushtimi i saj ndaj misionit të shërbimit shëndetësor dhe përvoja e saj e pasur janë vlerësuar si një burim frymëzimi për stafin dhe për të gjithë të pranishmit.
Ky takim nënvizon rëndësinë e bashkëpunimit për të promovuar mirëqenien dhe paqen në komunitetet tona, duke theksuar vizionin e përbashkët të dy institucioneve për ndihmë dhe zhvillim.
Në përfundim të vizitës, Fondacioni Sheikha Fatima shprehu mirënjohje për praninë e zonjës Shatri dhe theksoi dëshirën për të zgjeruar bashkëpunimet e ardhshme në projekte të reja që do të sjellin ndryshime pozitive në shoqëri./Gazeta Shneta/