Zëvendësministri i Ministrisë së Shëndetësisë, Arsim Berisha, ka mbajtur sot një takim të përbashkët me drejtorët e Qendrave Kryesore të Mjekësive Familjare dhe përgjegjësit e vaksinimit.
Gjatë këtij takimi është diskutuar rreth aktiviteteve për zonim dhe regjistrin e banorëve në Kujdesin Parësor Shëndetësor.
Ai ka bërë të ditur se së shpejti do të krijohet lista e pacientëve apo regjistri elektronik i banorëve për mjekun e tyre familjar.
“Lista e Pacientëve apo regjistri elektronik i banorëve për mjekun e vet familjar…fillon së shpejti…”, ka shkruar Berisha në Facebook.
“Qëllimi i takimit ishte për të diskutuar rreth aktiviteteve për zonim dhe regjistrin e banorëve në Kujdesin Parësor Shëndetësore, si dhe organizimin e punës në procesin e vaksinimit dhe implementimit të PSO-së për vaksinim në digjitalizimin e vaksinimit”, ka shkruar po ashtu.
Kujtojmë se më gjashtë tetor Rifat Latifi ka dhënë dorëheqje nga pozita e tij si Ministër i Shëndetësisë, dhe deri më tani Qeveria nuk ka arritur të gjëjë zëvendësim të tij.
Aktualish si UD. ministre e shëndetësisë është Dafina Gexha – Bunjaku. /Gazeta Shneta/