Në një kumtesë në profilin e tij në Facebook, ministri i shëndetësisë Uran Ismaili tregoj që ministria nga sot ka nisur projektin e menaxhimit të vijimit në punë të puntorëve të QKUK-së, duke pajisur gjithë stafin me ID Kartela.
”Tash e tutje, secili prej tyre është i obliguar që t’i përdorë ato, në mënyrë që të dihet saktësisht ora kur e fillon punën, ora kur e mbaron, si dhe ora kur e shfrytëzon pauzën – kur del dhe kur kthehet.” – shtoi Ismaili.
Ndër tjerash ai the se ky do të jetë një hap drejt vendosjes së rregullit dhe zvogëlimit të pritjeve të pacientëve pa arsye.
”Zbatimi i reformave në shëndetësi është i mundshëm vetëm duke shtuar përgjegjësinë individuale, menaxhuese dhe shoqërore. Respektimi i orarit të plotë të punës është i domosdoshëm. Kjo është në interes të të gjithëve: personelit mjekësor dhe sidomos pacientëve.” – përfundoj ai.
