Spitali i Përgjithshëm i Pejës ka bërë të ditur se gjatë ditës së djeshme janë kryer 12 operime të suksesshme.
Sipas të dhënave zyrtare, vetëm gjatë 24 orëve të fundit janë realizuar 428 vizita specialistike, ndërsa 33 pacientë janë pranuar për trajtim spitalor. Aktualisht, në repartet e spitalit ndodhen të shtrirë 215 pacientë, shkruan Gazeta Shneta.
Në laborator janë kryer gjithsej 3,617 analiza për 299 pacientë. Po ashtu, në maternitet kanë ndodhur 4 lindje – dy djem dhe dy vajza.
Në kuadër të shërbimeve të tjera, janë realizuar 31 dializa, 81 ekzaminime me rëntgen, 54 ultrazëra, 18 skanime me CT, si dhe 9 rezonanca magnetike. Përveç kësaj, janë kryer edhe 6 ekokardiografi, 3 ergometri dhe 5 gastroskopi.
Në repartin e fiziatrisë janë ofruar gjithsej 62 shërbime për pacientët./Gazeta Shneta/