Studimi i fundit i London School of Economics (LSE) ka zbuluar se të ecësh 15,000 hapa në javë për dy vjet mund të shtojë vite në jetën tënde. Kjo studi ka vërejtur se ecja e rregullt mund të shtojë 2.5 vjet jetëgjatësisë së burrave fizikisht joaktivë dhe tre vjet për gratë joaktive.
Rreth një e treta e britanikëve konsiderohen fizikisht joaktivë, duke përfshirë ata që kryejnë më pak se 150 minuta ushtrime të moderuara në javë ose rreth 22 minuta ecje të shpejtë në ditë, shkruan CNN, transmeton Gazeta Shneta.
Studimi gjithashtu tregon se një 55-vjeçar me diabet të tipit 2 mund të zvogëlojë rrezikun e vdekjes me 40 për qind nëse fillon të ecin 5000 hapa tri herë në javë.
Njerëzit e moshës 65 vjeç e lart gjithashtu mund të ulin rrezikun e vdekjes me 52 për qind nëse kanë zakon të ecin 7500 hapa tre ose më shumë herë në javë.
Rezultatet e studimit sugjerojnë se përfitimet e ecjes janë të larta për njerëzit që ecin më shumë se 7500 hapa në javë, ndërsa edhe një ditë e vetme prej 5,000 hapash ka përfitime për shëndetin.
Ky studim shënon një ndryshim në kuptimin e numrit të hapave që nevojiten për një shëndet të mirë, duke thënë se më pak hapa sesa numri i njohur i 10,000 hapash në ditë mund të jenë të mjaftueshëm për të mbajtur një shëndet të mirë.