Klinika e Hematologjisë në QKUK ka regjistruar rritje të numrit të pacientëve që kërkojnë ndihmë specialistike për sëmundjet e gjakut gjatë muajve të parë të këtij viti.
Drejtoresha e Klinikës së Hematologjisë, Dr. Aferdita Ukmataj, bëri të ditur se gjatë tremujorit të parë të këtij viti janë realizuar 1,650 vizita ambulatore, krahasuar me 1,473 vizita në periudhën e njëjtë të vitit të kaluar, shkruan Gazeta Shneta
Sipas saj, rritja e numrit të pacientëve nuk lidhet me shtim të rasteve të sëmundjeve hematologjike, por me vetëdijesim më të madh të qytetarëve për rëndësinë e diagnostikimit dhe trajtimit të hershëm.
“Viteve të fundit kemi shumë më tepër vizita në ambulancat specialistike. Çdo hematolog trajton 20 deri në 30 pacientë në ditë. Kjo tregon se qytetarët po e kuptojnë rëndësinë e sëmundjeve të gjakut dhe po kërkojnë ndihmë më herët”, tha Ukmataj.
Ajo theksoi se nuk vërehet ndonjë trend shqetësues i rritjes së sëmundjeve malinje të gjakut në Kosovë./Gazeta Shneta/
LEXO EDHE: