Ministria e Shëndetësisë ka publikuar raportin 24 orësh të rezultateve të testeve Covid-19 si dhe numrin e dozave të vaksinave të administruara.
Fatmirësisht në 24 orët e fundit nuk është shënuar asnjë viktimë nga Covid-19, ndërsa 20 qytetarë kanë rezultuar pozitiv në testet për Sars-Cov-2, shkruan Gazeta Shneta.
MSH ka publikuar edhe raportin e vaksinave të administruara. Që nga dita e premte rezulton se vetëm 822 qytetarë janë vaksinuar me dozën e parë, shifër kjo mjaft e ulët në krahasim me para disa javë.
Deri më tani në Kosovë janë vaksinuar me dy doza të vaksinave 707,296 qytetarë, ndërsa numri i rasteve aktive me Covid është 427 persona të sëmurë. /Gazeta Shneta/