Studimet tregojnë se aktiviteti fizik i rregullt, madje edhe 30 minuta ecje në ditë, redukton ndjeshëm rrezikun për sëmundje kardiovaskulare dhe diabet. Ushtrimet e moderuara përmirësojnë qarkullimin, reduktojnë presionin e gjakut dhe përmirësojnë metabolizmin.
Edhe ushtrimi i shkurtër mund të shkaktojë ndryshime molekulare që parandalojnë zhvillimin e qelizave kancerogjene dhe përmirësojnë shëndetin e zemrës, shkruan Health, transmeton Gazeta Shneta.
Kjo tregon se edhe individët me kohë të kufizuar mund të përfitojnë nga aktiviteti fizik i rregullt.
Përveç përfitimeve fizike, ushtrimet kanë ndikim pozitiv në shëndetin mendor. Ata ndihmojnë në uljen e stresit, përmirësojnë gjumin dhe rrisin energjinë gjatë ditës.
Ushtrimet e përditshme gjithashtu ndihmojnë në ruajtjen e peshës trupore dhe parandalojnë sëmundjet kronike. Personat që mbajnë një rutinë aktive kanë probabilitet më të ulët për obezitet, diabet tip 2 dhe hipertension.
Ekspertët rekomandojnë kombinimin e aktiviteteve aerobike dhe ushtrimeve të forcës për të arritur rezultatet më të mira. Kjo mund të përfshijë ecje, çiklizëm, vrap të lehtë dhe ngritje peshe, në varësi të aftësive dhe preferencave personale. /Gazeta Shneta/