4 simptoma të buta të Covid-19, që nuk duhet injoruar përfshirë infeksionin e syve dhe lodhjen

2021-03-17 në ora 11:52

Megjithëse Shërbimi Nacional Shëndetësor (NHS), rendit vetëm një temperaturë të lartë, një kollë të vazhdueshme dhe një humbje të shijes ose erës si simptoma të koronavirusit, pacientët me infeksion Covid, kanë raportuar edhe shenja të tjera më të lehta të sëmundjes.

Sidoqoftë, disa njerëz përjetojnë simptoma më të lehta, të cilat në disa raste janë treguesit e vetëm që janë infektuar me virus shkruan The Mirror.co.uk përcjell Gazeta Shneta.

Dhimbje stomaku

Një pjesë e pacientëve me koronavirus kanë pësuar dhimbje stomaku para se të shfaqin simptoma të tjera zyrtare.

‘Revista Amerikane e Gastroenterologjisë’, publikoi një studim që sugjeron se virusi mund të shkaktojë probleme me tretjen siç është diarreja.

Ndër të tjera u analizuan të dhënat nga 204 pacientë në Kinë, duke zbuluar se 48.5 përqind të tyre kishin çështje të sistemi tretës si të vjella, dhimbje barku ose diarre kur u shtruan për herë të parë në spital.

Infeksionet e syve

Mjekët paralajmëruan infeksionet e syve mund të jenë një shenjë tjetër e Covid-19.

Zyrtarët shëndetësorë mendojnë se konjuktiviti zhvillohet në rreth 1% deri në 3% të pacientëve, sipas ‘Akademisë Amerikane të Oftalmologjisë’.

Mjegulla e trurit

‘Mjegulla e trurit’ është zakonisht një simptomë e shoqëruar me ‘Covid të gjatë’ megjithatë disa pacientë gjithashtu e përjetojnë atë para se të diagnostikohen me sëmundjen.

Lodhja

Një studim i OBSH-së duke parë shenjat e zakonshme zbuloi se simptoma e tretë më e zakonshme e koronavirusit ishte një ndjenjë e ‘rrafshuar’ e lodhjes.

Rreth 38.1 përqind e pacientëve raportuan simptomën në studim, e cila u bazua në 55.924 raste të konfirmuara nga laboratori.

Duke përdorur të dhëna nga aplikacioni ‘COVID Symptom Study’, studiuesit krijuan një listë të simptomave më të zakonshme të raportuara nga pacientët në shtatë ditët e para – pas fillimit të sëmundjes. /Gazeta Shneta/