Nëna, një punëtore e kujdesit shëndetësor në vijën e parë të frontit, mori dozën e parë të vaksinës Moderna në janar të këtij vitit në javën e 36-të të shtatzënisë.
Një grua në jug të Floridës që kishte marrë një dozë të vaksinës së koronavirusit ndërsa ishte shtatzënë, lindi foshnjën e parë të njohur me antitrupa të lindur kundër Covid-19 “pas vaksinimit të nënës” sipas mjekëve të fushës së pediatrisë shkruan The Guardian përcjell Gazeta Shneta.
Mjekët paraqitën gjetjen e tyre në një artikull paraprak, që do të thotë se ky pretendim ende nuk është rishikuar nga kolegët.
Dr. Paul Gilbert dhe Chad Rudnick thanë se nëna, një punëtore e kujdesit shëndetësor, mori dozën e saj të parë të vaksinës Moderna në janar, të javës 36-të të shtatzënisë.
Gruaja lindi një vajzë “të fuqishme, të shëndetshme” tre javë më vonë.
Studiuesit analizuan gjakun nga kordoni i kërthizës së fëmijës dhe antitrupat “u zbuluan… në kohën e lindjes”, sipas dokumentimit të tyre.
“Kështu, ka potencial për mbrojtje dhe ulje të rrezikut të infeksionit nga Sars-CoV-2 me vaksinimin e nënës”.
“Për njohuritë tona, kjo ishte e para në botë që u raportua për një fëmijë të lindur me antitrupa pas një vaksinimi” i tha Dr. Gilbert filialit të West Palm Beach ABC.
“Ne testuam kordonin e foshnjës për të parë nëse antitrupat e nënës i kaluan foshnjës, gjë që shohim se ndodh me vaksinat e tjera të dhëna gjatë shtatzënisë”.
“Ky është një rast i vogël në atë që do të jetë mijëra dhe mijëra foshnje të lindura nga nëna që janë vaksinuar gjatë muajve të ardhshëm”, tha Dr. Rudnick në stacionin lokal ABC. /Gazeta Shneta/