Të kesh fëmijë në një moshë të mëvonshme po bëhet çdo ditë e më e zakonshme.
Arsyet për këtë mund të jenë të ndryshme; karriera, mosbesueshmëria e partnerit, dëshira për të shijuar jetën tuaj apo thjeshtë mungesa e gatishmërisë për t’u bërë prindër, transmeton Gazeta Shneta.
Më poshtë mund të gjeni disa përparësi dhe rreziqe nëse vendosni të bëheni nënë në të 40-tat.
Mund të keni jetë më të gjatë
Gratë që lindin më vonë mund të kenë një shans më të mirë për të jetuar më gjatë. Sipas një studimi, ata që kanë lindur fëmijën e tyre të fundit ndërsa ishin nën moshën 29 vjeç, shkurtojnë shanset e tyre për të jetuar deri në moshën 95 vjeçare. Një arsye e mundshme për këtë mund të jetë gjenetika.
Mund të ulni aftësitë njohëse
Një studim tjetër tregon që gratë të cilat lindin më vonë aftësitë njohëse të tyre do të bien.
Ju jeni më të mençur dhe më me përvojë në këtë moshë
Nuk është sekret që me kalimin e viteve marrim njohuri dhe përvojë. Krahasoni veten kur keni qenë në të 20-tat apo 30-tat. Dhe tani imagjinoni ndryshimin në rritjen e fëmijëve në këto vite. Gratë mbi 40 vjeç janë më të durueshme ndaj fëmijëve të tyre dhe ata i qasen edukimit të tyre me më shumë mundim.
Qëndroni mirë financiarisht
Deri në moshën 40 vjeçare shumica e grave janë duke u munduar të krijojnë karrierë. Gratë që kanë fëmijë më vonë mendojnë se mund të lejojnë që karriera e tyre të zbehet në sfond, në mënyrë që të mund të përqendrohen më shumë tek fëmija i tyre.
Keni pasur kohë të provoni gjithçka
Në moshën 40 vjeçare keni kaluar ahengjet dhe kohën kur keni dëshiruar të jeni gjithmonë në lëvizje, tani është koha për të krijuar familje.
Keni më pak shanse për të mbetur shtatzënë
Ndërsa vitet kalojnë, gratë kanë më pak shanse të mbesin shtatzënë. Në moshën 32 vjeçare, pjelloria fillon të bjerë dukshëm.
Keni më shumë gjasë të përjetoni abort
Rreziku i abortit rritet me moshën dhe pas moshës 45 vjeç, ai mund të arrijë deri në 50% ose edhe më shumë.
Jeni më të rrezikuar për të marrë osteoporozë
Lindja në moshë të mëvonshme rrit mundësinë e shfaqjes së osteoporozës tek gratë. Sipas studimeve, ata që lindën pas 35 vjetësh kishin dy herë më shumë mundësi të kishin këtë sëmundje.
Keni më shumë mundësi të lindi para kohës
Një studim tregon se vetë mosha, pavarësisht nga faktorët e tjerë negativ, mund të jetë një shkak i lindjes së parakohshme.
Mund të keni diabet gestacional
Kjo formë e diabetit është e përkohshme, në shumicën e rasteve shkaktohet nga një sasi e pamjaftueshme e insulinës gjatë shtatzanisë./GazetaShneta/