Shoqata Sindikale e Qendrës Klinike Universitare e Kosovës kërkon rritje të pagave prej 50 për qind
Përmes një komunikatë për media Shoqata Sindikale e QKUK-së është shprehur se impelemtimi i pagave fillon tetë muaj pas daljes në Gazetën Zyrtare ndërsa si projektligj nuk ka shkuar në Kuvend as për lexim të parë.
Projekligji për paga ka shkuar në Kuvend tri herë dhe është tërhequr, “për këtë projektligj nuk ka pasur transparencë fare, ky ligj ka shumë mangësi duke filluar nga vlera e koeficientit i cili nuk dihet e deri te rangimi sipas meritave gradave dhe punës, si dhe fati i tij varet nga ankesat që mund t’i kenë subjektet e ndryshme, kështu që implementimi i tij mund të filloj ndoshta në fund të vitit 2023”.
ShS -QKUK ka mbajtur sot mbledhje në të cilën, sipas komunikatës, është vendosur të kërkohet rritje e pagës për 50 për qind, ata thonë se janë skeptik nëse ky projekligj do të kalojë dhe as më pak të filloj implementimi i tij.
“Duke u nisur nga kjo logjik e shëndosh se rritje pagash s’ka pasur nga viti 2014 dhe për çdo vit kemi pasur rritje ekonomike (sipas statistikave zyrtare vitin e kaluar 10 për qind)e kur ja shtojmë kësaj edhe inflacionin zyrtar mbi 19 për qind besojmë qe kjo kërkesë është mjaft argumentuese”, thuhet në komunikatën për media.
Ditët në vijim ShS- QKUK ka paralajmëruar se do të mbajën prap mbledhje për të vendosur në lidhje me “lëvizjet” tjera që pritet t’i ndërmarrin.
Në anën tjetër, gjatë javës së kaluar punëtorët shëndetësor të Kujdesit Parësor Shëndetësore kanë mbajtur protestë 15 minutëshe për shkak të vonesave për pagat e muajit gusht./Gazeta Shneta/
QKMF në Prishtinë pritet të mbajë protestë 15 minutëshe për mos ekzekutimin e pagave