Spitalet Rajonale në nivel vendi nuk janë të furnizuara me teste Rapide, të nevojshme për COVID-19.
Në mesin e spitaleve të cilat s’kanë teste Rapide është edhe ai në Ferizaj në të cilin kërkojnë shërbime shëndetësore me qindra pacientë brenda ditës.
Lajmin për mungesën e testeve Rapide e ka konfirmuar UD. Drejtori i Spitalit të Përgjithshëm në Ferizaj, Isa Berisha. Ai tha se për rreth tre javë nuk kanë teste Rapide.
“Teste Rapide nuk kemi. Për rreth tre javë – nuk e di saktësisht”, sqaroi ai për Gazetën Shneta.
Pacientët janë të detyruar t’i blejnë testet Rapide në barnatoret private.
Me mungesë të testeve Rapide është duke u ballafaqur edhe Klinika e Pediatrisë në Qendrën Klinike Universitare të Kosovës, Spitali Rajonal në Vushtrri e Mitrovicë.
Gazeta tash e pesë ditë ka kërkuar sqarim nga Shërbimi Spitalor Klinik Universitar i Kosovës pse nuk janë furnizuar institucionet shëndetësore me teste Rapide dhe kur pritet të bëhet furnizimi mirpo të njejtët nuk janë përgjigjur.
Gazeta në vazhdimsi raporton për mungesën e furnizimeve në spitale dhe klinika. /Gazeta Shneta/
Spitali Rajonal në Vushtrri s’ka teste Rapide tash e mbi dy muaj