Shumë gra besojnë që lindja është një nga përvojat më të këqija në jetën e një gruaje dhe disa gra zgjedhin gjithashtu të mos kenë fëmijë, sepse janë aq të frikësuar prej lindjes.
Besoni trupit tuaj: gratë në gjithë botën kanë lindur për mijëra e mijëra vjet dhe në fakt trupat tanë janë të dizajnuar për të lindur. Duke e parë këtë nga pikëpamja evolucionare, kjo është arsyeja se pse jemi në këtë botë. Por, kjo nuk do të thotë se jemi kundër zgjedhjes së një gruaje për të mos patur fëmijë.
Zgjedhni se kë dëshironi ta keni afër në ato momente: idealisht dëshironi të keni afër aty një ekip ku përfshihet partneri juaj, mamaja, një mik ose motra juaj. Por, zgjedhni të keni afër atë person që i besoni më së shumti.
Qëndroni pozitiv – me siguri do të kujtoni të gjitha përvojat e lindjeve që keni dëgjuar deri më tani, ndoshta nga mamaja juaj, motrat apo mikeshat. Por, për disa muaj harroni ato, edhe nëse dikush mundohet që të flasë për këtë temë me ju kërkoni që të ndalojë.
Relaksohuni – kjo është shumë e rëndësishme sepse një mendje e relaksuar do të thotë që gjithë trupi juaj dhe sidomos muskujt e legenit tuaj do të jenë të relaksuar gjithashtu. Gjë që është pikërisht ajo që duam për një lindje më të lehtë.
Merrni frymë thellë – kur jeni të relaksuar duheni patjeter edhe të merrni frymë thellë dhe kjo do ta lehtësojë procesin e lindjes.
Shtyjeni beben tuaj – shumica prej nesh besojmë se duhet ta shtyjmë fëmijën dhe shumica e grave në të vërtetë e ndjejnë dëshirën e natyrshme për të shtyrë.
Njihuni me beben tuaj – pas lindjës vendoseni beben tuaj afër vetës dhe jepi pak kohë asaj dhe vetes me të./GazetaShneta/