Ndërsa vazhdon pandemia e koronavirusit, është bërë e qartë se rastet asimptomatike të COVID-19 janë shkak për shqetësim.
Një studim i botuar në revistën Nature Medicine zbuloi se pothuajse gjysma e rasteve të studiuara ishin të infektuar nga dikush që nuk shfaqte simptoma përcjell Gazeta Shneta.
Kjo është arsyeja pse identifikimi i individëve asimptomatikë dhe sigurimi i tyre drejt izolimit mund të jetë pjesë integrale për të lehtësuar përhapjen e COVID-19.
Siç rezulton studimi, një grupmoshë në veçanti ka një numër jashtëzakonisht të madh të rasteve asimptomatike si: fëmijët dhe adoleshentët.
Ky studim i ri, shikoi modelet e transmetimit për të vlerësuar ndjeshmërinë e sëmundjes dhe për të fituar një kuptim më të thellë se si mosha lidhet me rastet e koronavirusit.
Studiuesit zbuluan se “simptomat klinike manifestohen në 21 përqind të infeksioneve në moshat 10 – 19 vjeç, duke u rritur në 69 përqind të infeksioneve te njerëzit e moshës mbi 70 vjeç”. Kjo do të thotë që 79 përqind e fëmijëve dhe adoleshentëve nuk tregojnë simptoma nëse janë të prekur me koronavirus.
Meqenëse, personat midis moshës 10 dhe 19 vjeç kanë më shumë të ngjarë të jenë asimptomatikë nëse kanë koronavirus, ata duhet të jenë veçanërisht të vëmendshëm kur janë në hapësira publike duke iu përmbajtur vazhdimisht distancës sociale dhe mbulesës së fytyrës/maskës.
Këto masa paraprake mund të ndihmojnë në ngadalësimin e përhapjes së koronavirusit nëse kjo grup-moshë kanë Covid-19, por nuk shfaqin simptoma. /Gazeta Shneta/