Në komunën e Obiliqit sot janë konfirmuar 9 raste me Covid-19, e 7 prej tyre janë punonjës shëndetësorë.
Kështu ka bërë të ditur kryetari i kësaj komune, Xhafer Gashi, përmes një postimi në rrjetin social Facebook.
“Sipas njoftimeve të IKSHPK-së në Komunën e Obiliqit, kanë rezultuar nëntë raste te reja pozitiv me Covid-19, sipas informatave shtatë raste janë personel shëndetësor (mjekë,infermierë dhe staf tjetër), ndërsa dy rastet tjera janë raste kontakti me një person të infektuar nga komuna e Prishtinës. Të gjitha rastet janë të vetizoluar, ekipet e QKMF-së po qëndrojnë në kontakt të vazhdueshëm dhe gjendja e tyre është stabile”, ka shkruar Gashi në Facebook.
Sipas Gashit, situata në Obiliq është nën kontroll dhe nuk ka vend për panik, megjithatë ai ka bërë thirrje për kujdes më të shtuar.
Rikujtojmë se sot IKSHPK ka njoftuar se nga testimet e sotme, 141 persona kanë rezultuar pozitiv me Covid-19. /GazetaShneta/