Policia e Kosovës ka bërë të ditur se dje në Prizren është sulmuar fizikisht një femër në vendin e punës. Nga informatat e policisë del se djali e kishte sulmuar nënën e vet.
“Është arrestuar i dyshuari mashkull K-shqiptar i cili kishte sulmuar fizikisht nënën e tij viktimën femër K-shqiptare, e cila ishte në vendin e punës”, thuhet në raportin e policisë, transmeton Insajderi.
Gjatë kontrollimit, të dyshuarit i është gjetur një sasi e substancave narkotike.
“Gjatë kontrollimit të dyshuarit i është gjetur dhe konfiskuar 4.77 gram substancë e dyshuar narkotike e llojit marihuanë. Viktima ka pranuar tretman mjekësor. Me urdhër të prokurorit i dyshuari është dërguar në mbajtje”, thuhet më tej aty.
Gjithashtu, një rast i ngjashëm ka ndodhur po ashtu në Prizren, ku një person ka therë me thikë një persona tjetër.
“Është arrestuar i dyshuari mashkull K-shqiptar pasi që i njëjti pas një mosmarrëveshje me një mjet të mprehtë (thikë) kishte therur viktimën mashkull K-shqiptar. Viktima ka pranuar tretman mjekësor.
Me urdhër të prokurorit i dyshuari është dërguar në mbajtje”, thuhet në raportin e policisë. / Gazeta Shneta