Lucu Letby, 28-vjeçare, është arrestuar pasi që dyshohet se ka vrarë tetë bebe dhe ka provuar të vrasë gjashtë të tjera në spitalin Kontesha e Chester-it, në Cheshire të Anglisë.
Infermierja është arrestuar të martën në shtëpinë e saj, e cila kushton 180.000 dollarë.
Policia e kishte filluar hetimin rreth kësaj çështje më herët pasi që edhe spitali është alarmuar për numrin e madh të vdekjeve të fëmijëve të porsalindur mes marsit të vitit 2015 dhe korrikut 2016. Mjekët kishin filluar një hetim të brendshëm pasi që bebet lindnin me probleme të zemrës dhe mushkërive dhe ishte e pamundur t’i shpëtonin.
Më vonë në një hetim tjetër ishte zbuluar se bebet që kishin vdekur kishin blloqe në krahë dhe në këmbë. Pas hetimit që policia e kishte filluar në vitin 2017 dhe vazhdon edhe tani, është arrestuar infermierja Letby.
Arrestimi i infermieres Letby i ka lënë pa koment koleget e saj të cilat kanë thënë se ajo është shumë e dhënë mbas fëmijëve dhe ka ndihmuar për ndërtimin e një spitali për fëmijë në vlerë të 3 milionë funte. ‘Unë jam kualifikuar si një infermiere për fëmijë nga Universiteti i Chester-it në vitin 2011 dhe jam duke punuar në spitalin e fëmijëve që nga diplomimi.
Puna ime përfshin dashurinë dhe përkrahjen për këto bebe. Disa nga bebet janë këtu për disa ditë, disa për më shume dhe mua më pëlqen t’i shoh ato teksa rriten”, kishte thënë më herët në një intervistë infermierja./gazetaexpress