Shtatzania e përsosur, pa shqetësime e siklete është ëndrra e çdo gruaje. Nëse sapo keni mësuar se jeni shtatzënë, njihuni me ndryshimet që do të përjetoni gjatë 9 muajve dhe “superfuqitë” tuaja.
1) Nuhatje e fortë
Shqisa e nuhatjes bëhet më e fortë gjatë shtatzanisë, gjë që do të thotë se do të jeni në gjendje të ndjeni çdo aromë sado larg saj të ndodheni. Parfumi i preferuar mund t’ju shkaktojë të vjella.
2) Oreksi (nuk do të ndjeni të ngopur)
Në fund të tremujorit të dytë, të vjellat do të largohen dhe do të keni shumë dëshirë për ushqim. Në këtë fazë duhet të mendoni edhe për rreziqet që sjell mbipesha.
3) Shqisa e shijimit bëhet më e fortë
Falë rritjes së niveleve të estrogjenit dhe progesteronit në trupin tuaj, ju keni një ndjenjë të fortë të shijes. Edhe kjo aftësi mund të jetë thikë me dy presa, sepse siç do të ndjeni më shumë ato që preferoni, njësoj do të ndjeni edhe shijet e këqija dhe mund të përjetoni më shpesh ndjesinë e hidhërimit të gojës.
4) Pamja juaj do të përmirësohet
Lëkura juaj do të rrezatojë, thonjtë do të jenë më të shndritshëm e flokët gjtihashtu. Këto ndryshime janë rezultat i rritjes së niveleve të estrogjenit në trupin tuaj gjatë tremujorit të dytë.
5) Dëshirë më e madhe për seks
Në fund të tremujorit të parë dhe gjatë tremujorit të dytë shumë gra do të kenë rritje të dëshirës për marrëdhënie seksuale.
6) Do të ndiheni me të vërtetë mirë
Ndërsa trupi juaj prodhon hormonet qetësuese dhe lehtësuese të dhimbjeve të quajtura endorfine kur jeni afër fundit të shtatzënisë tuaj, gjithçka do të duket dhe ndihet shumë më mirë.
7) Durim më i fortë
Do të habiteni sesi do të përjetoni aq shumë ndryshime fizike, siklete, dhimbje dhe sërish nuk do të dorëzoheni.
8) Ndjeshmëri më e lartë
Do ta gjeni veten duke qarë, qoftë edhe për një skenë filmi pasi bëheni shumë më e prekshme dhe e ndjeshme.
9) Aftësia telepatike
Nga java e 16 deri në javën e 25 të shtatzënisë suaj, ju do të filloni të përjetoni tronditje nervore, dhe përzierje ndjenjash. Në fillim nuk do të kuptoni nëse ndjeni lodhje, uri, apo funksione të tjera bipologjike të trupit.