Shpesh ngjyrat janë ato të cilat të bëjnë të ndihesh më rehat, të ndihmojn ta ndërpresësh oreksin dhe për një gjumë sa më të mirë.
Nëse dëshironi një ambient sa më të rehatshëm , atëherë mbani mend këto këshilla , shkruan Supergrate , transmeton GazetaShneta.
Zgjidhni ngjyrat me mençuri
Ngjyrat e hapura – domethënë nuanacat të gjalla të ngjyrës së gjelbërt dhe blu, të verdhë dhe portokalli – sigurojnë një ndjesi hapësire. Këto janë ngjyrat miqësore dhe të lumtura që inkurajojnë komunikimin dhe prandaj janë veçanërisht të përshtatshme për zonën e ngrënies dhe në kuzhinë.
Ngjyrat e errëta
Ngjyrat e errëta, të tilla si ngjyra e kuqe, vjollcë, blu dhe e gjelbërt e errët, mund të kenë një efekt të ngushtësisë dhe të zymtësisë. Por, kur përdoren në vendin e duhur ose si elemente theksuese, ato mund të ndihmojnë në përcjelljen e rehatisë dhe sigurisë. Dhe po, ju mund të ngjyrosni një dhomë të vogël me të errët dhe sërish ajo do të duket bukur.
Ngjyrat e ngrohta
Ngjyrat portokalli dhe e verdha, për shembull, ngrenë temperaturën e perceptuar të një dhome. Për këtë arsye, ata përdoren më së miri në dhomat përballë veriut. Për shkak se ato nxisin aktivitetin, shmangni aplikimin e tyre në dhoma të destinuara për t’u çlodhur, si dhoma e gjumit.
Ngjyrat e ftohta
Ngjyra të tilla si blu e akullt dhe nuancat e jeshiles kanë një efekt qetësues. Ato janë veçanërisht të përshtatshme për dhoma gjumi; ato ju ndihmojnë të shkoni në shtrat të relaksuar në mbrëmje dhe të zgjoheni të rifreskuar mëngjesin e ardhshëm.
Blu e thellë
Kjo ngjyrë pengon gatishmërinë e njerëzve për të komunikuar; mos e përdorni atë në dhomën e ndenjes dhe të ngrënies.
E kuqja
Ngjyra e kuqe ngre nivelin e energjisë në një dhomë, por gjithashtu mund t’i bëjë njerëzit më të irrituar dhe më armiqësorë – kështu që nuk është një zgjedhje e mirë për dhomën e një fëmije. Përdoreni atë si një theksuese dhe jo një ngjyrë bazë të dhomës.
Ngjyra gri
Ngjyra gri duhet të shmanget në zonën e ngrënies dhe kuzhinë, nëse nuk dëshiron ta zvogëloni oreksin tuaj. /GazetaShneta/