Qendra Klinike Universitare e Kosovës ka mohuar se ka shtyrje apo anulim të operacioneve në klinikat e kirurgjisë për shkak të mungesës së fentanylit.
QKUK ka dal me një deklaratë ku thuhet se operacionet janë kryer dhe po vazhdojnë të kryhen sipas programit të klinikave, shkruan Gazeta Shneta.
“Në bazë të konfirmimit të Klinikës së Anesteziologjisë dhe Mjekimit Intensiv Qendror, të gjitha sallat operative kirurgjike në QKUK kanë punuar normalisht, duke përfshirë edhe programin e planifikuar të operacioneve”.
“SHSKUK ka ndërmarrë masat e nevojshme për funksionim normal të sallave operative, në bazë të informacioneve të sotme nga klinikat kirurgjike edhe ditën e sotme, operacionet po kryhen normalisht”, thuhet në deklaratën e QKUK-së.
Ditën e premte të javës së kaluar dhe në fillim të kësaj jave QKUK është përballë me mungesë të fentanylit që si rezultat ka shkaktuar shtyrjen dhe anulimin e operacioneve në disa klinika. /Gazeta Shneta/