Ish-ministri i shëndetësisë Uran Ismaili është ‘zhdukur’ nga rrjetet sociale pas humbjes së partisë së tij në zgjedhjet që u mbajtën dje
Partia Demokratike e Kosovës ku Ismaili është nënkryetar, humbi zgjedhjet e parakohshme më 6 tetor duke dal e treta me vetëm 21 për qind, shkruan Gazeta Shneta.
Pas publikimit të rezutlateteve preliminare kryetari i PDK-së Kadri Veseli pranoi humbjen dhe tha se partia e tij do të shkoj në opozitë. Ndërkaq ish-ministri i Shëndetësisë, i njohur edhe si ministri i ‘facebook-it’ për shkak të aktiviteteve dhe postimeve të tij të shpeshta në rrjetet sociale, nuk është deklaruar fare për rezultatin e zgjedhjeve.
Postimi i fundit i Ismailit është ai i ditës së djeshme kur ka publikuar një fotografi gjatë votimit së bashku me bashkëshorten e tij.
Kujtojmë se Ismaili udhëhoqi ministrinë e shëndetësisë për rreth dy vjet sa zgjati Qeveria Haradinaj. Se kush do të jetë pasardhës i tij ende nuk dihet. Gjithsesi numërimi i votave pothuajse sot ka përfunduar dhe rezultati preliminar e vendos Lëvizjen Vetëvendosje në pozitën e parë, ndërsa LDK e dyta. /Gazeta Shneta/