Varianti i ri Covid B117 – i njohur ndryshe si varianti Kent është identifikuar në macet dhe qentë e zbutur në një spital veterinar në Jug-Lindjen e Anglisë.
Kjo nënkupton që kafshët shtëpiake mund të luajnë një rol më të madh në shpërthimin e koronavirusit nga sa besohej fillimisht, shkruan Express.co.uk përcjell Gazeta Shneta.
Virologu Dr. Eric Leroy, i specializuar në sëmundjen zoonotike, e bazoi kërkimin e tij mbi kafshët e pranuara në Qendrën e Referimit të Veterinarisë në Ralph, Buckinghamshire.
Këtu janë detajet. Midis dhjetorit 2020 deri në shkurt 2021, pati një rritje të mprehtë të numrit të maceve dhe qenve në kujdesin veterinar për miokarditin. Miokarditi është termi i dhënë për të përshkruar inflamacionin e muskulit të zemrës.
Në të njëjtën kohë, kjo rritje e rasteve duket se imiton kurbën dhe afatet kohore të variantit B117 në Mbretërinë e Bashkuar.
Kafshët shtëpiake me miokardit nuk kishin histori të mëparshme të sëmundjes së zemrës dhe kishin simptomat si: lodhje, mungesa e oreksit dhe gulçim.
Më e rëndësishmja, pronarët e kafshëve shtëpiake të cilët kishin marrë ‘shokët e tyre’ te veterineri kishin zhvilluar simptoma të frymëmarrjes Covid dhe ishin testuar pozitivë për virusin gjashtë javë më parë.
Për shkak të infektivitetit dhe transmetueshmërisë së shtuar të variantit B117, ky studim “thekson më shumë se kurrë rrezikun që kafshët shoqëruese mund të luajnë” në shpërthimin e Covid.
Studiuesit shtuan se hulumtimet e mëtejshme “kërkohen urgjentisht” për të hetuar “transmetimin kafshë në kafshë”, si dhe “transmetim kafshë në njeri”. /Gazeta Shneta/