Sipas hulumtimit të botuar në Revistën Amerikane të Obstetrikës dhe Gjinekologjisë, hulumtuesit bënë të ditur se vaksina Pfizer/BioNTech dhe Moderna janë efektive te gratë shtatzëna.
Hulumtimi, i cili u realizua në spitalin Massachusetts General, Brigham and Women’s Hospital, the Ragon Institute of MGH, MIT and Harvard, bëri të ditur se vaksinat anti covid janë efektive te gratë shtatzëna shkruan CNN, transmeton Gazeta Shneta.
Mësoni më shumë rreth komplikimeve gjatë shtatzënisë KËTU
Studiuesit observuan 131 gra që morën vaksinën anti covid nga Pfizer dhe Moderna.Nga 131 gra në total, 84 prej tyre ishin shtatzëna, 31 ishin nëna gjidhënëse dhe 16 nuk ishin shtatzëna.
Mostrat u mblodhën nga 17 Dhjetor 2020 deri më 2 Mars 2021.
Sipas studimit, nivelet e antitrupave të shkaktuara nga vaksinat ishin ekuivalente te gratë shtatzënëa dhe gjidhënëse, krahasuar me gratë jo shtatzëna.
“Këto vaksina duken se funksionojnë te gratë shtatzëna”, tha Galit Alter, një nga studiuesit në Ragon Institute.
Përveç kësaj, ekipi zbuloi se antitrupat mbrojtës kalonin edhe tek foshnjet e porsalindura.
Tutje, Alter bëri të ditur se hulumtimi nuk zbuloi ndonjë efekt anësor të vaksinës te gratë shtatzëna apo gjidhënëse./GazetaShneta/