Ministria e Shëndetësisë ka publikuar njoftimet për dhënien e kontratave për tenderin me titull “Furnizim me barna për sëmundje te rralla sipas LBE”.
Përmes këtij tenderi janë kontraktuar katër lloje të barnave për sëmundje të rralla, shkruan Gazeta Shneta.
Ilaçi më i shtrenjtë Vedolizumab Ampull 300mg i është dhënë kompanisë “Santepharm SHPK” me vlerë 1,868,724 Euro.
Bari Cladribine Tableta 10 mg është kontraktuar nga MSh me grupin e operatorëve ekonomik “Madekos” dhe “Varus” me vlerë 946,215 Euro.
Ilaçi Ofatumuma Tretësirë për injeksion në shiringë të parambushur 20 mg 0.4 mL është kontraktuar me kompaninë nga Shqipëria “Deltapharma” 753,440 Euro.
Produkti Azacitidine Pluhur për suspension për injeksion 100 mg (25 mg mL) i është dhënë kompanisë “Nini Pharm” me vlerë 228,900 Euro. /Gazeta Shneta/