Inspektorati Shëndetësor i ka shqiptuar gjobë 2 mijë euro drejtorit të Klinikës së Neurokirurgjisë Arsim Morina.
Kryeinspektori Shaban Osmanaj ka deklaruar se në bazë të deklaratave të profesionistëve shëndetësor, arsyetimi i Morinës për referimin e pacientëve jashtë vendit ka qenë i paqëndrueshëm.
“Duke u mbështetur në deklaratën e drejtorit të Neurokirurgjisë dhe tre profesionistëve shëndetësor të cilët janë të cekur në raportin konziliar për referimin e pacientit jashtë insititucioneve publike, si dhe bazuar në deklaratën e drejtorit të Klinikës së Anestezionit kemi ardh në përfundim që ka pas një referim që nuk përputhet me dispozitat ligjore në fuqi”, ka deklaruar Osmanaj për klankosova.
Ai thotë se në raport kanë ardhur në përfundim se pacientët mund të trajtohen në QKUK.
“Në Klinikën e Anestezionit na është thënë se ekzistojnë anesteziologë që kanë punuar edhe më parë në Klinikën e Neurokirurgjisë”, ka deklaruar Osmanaj.
Kujtojmë se Arsim Morina i kishte dërguar një letër drejtorit të SHSKUK-së Valbon Krasniqi dhe ish-ministrit Armend Zemaj, të cilëve iu kishte kërkuar rikthimin e bashkëshortes së tij anesteziologe Qamile Morina pas pensionimit të saj në janar.
Morina kishte vendosur kusht rikthimin e saj në punë, ndryshe do të referonte pacientët për trajtim jashtë institucioneve publike shëndetësore. /Gazeta Shneta/