Një dozë përforcuese (e tretë) e një vaksine Covid-19 mund të jetë e nevojshme vetëm për personat që janë më të rrezikuar nga sëmundje të rënda, sipas të dhënave të sigurisë rreth vaksinave të qendrës CDC.
Banorët e institucioneve të kujdesit afatgjatë, të moshuarit, personeli i kujdesit shëndetësor dhe personat me imunitet të dobët mund të kenë nevojë për dozë përforcuese vaksine ndaj COVID-19, shkruan CNBC News përcjell Gazeta Shneta.
Grupi punues i Qendrës për Kontrollin dhe Parandalimin e Sëmundjes (CDC), tha se aktualisht nuk ka të dhëna të mjaftueshme për të rekomanduar një rritje të numrit të popullatës që duhet shtyer drejt një doze përforcuese.
Shkencëtarët nga qendra CDC, thanë të mërkurën se aktualisht nuk ka të dhëna të mjaftueshme për të mbështetur rekomandimin e dozës përforcuese për popullatën e përgjithshme, por që grupe më të prekshme, të tilla si të moshuarit ose marrësit e transplantimit, mund të kenë nevojë për një dozë shtesë mbrojtëse ndaj COVID-it.
Një studim i fundit nga studiuesit në Universitetin Johns Hopkins botuar në Annals of Internal Medicine tregoi se doza e tretë përforcuese mund të jenë të dobishme për njerëzit me sistem imunitar të dobësuar. Andaj është sugjeruar se duhet të monitoruar gjendja në banorët e institucioneve të kujdesit afatgjatë, të moshuarit, punonjësit e kujdesit shëndetësor dhe personat me imunitet të dobësuar. /Gazeta Shneta/