Afro 5 milionë viktima janë regjistruar që nga fillimi i pandemisë e deri më sot, si rezultat i përkeqësimit të gjendjes shëndetësore nga Covid-19, tregon raporti nga Reuters.
Më shumë se gjysma e vdekjeve të raportuara në një mesatare prej shtatë ditëve të fundit ishin në Shtetet e Bashkuara, Rusi, Brazil, Meksikë dhe Indi, transmeton Gazeta Shneta.
Mësoni më shumë rreth komplikimeve të shtatzënisë duke lexuar më shumë KËTU
Ndërkohë që, kanë qenë të nevojshme pak më shumë se një vit që numri i viktimave me Covid të arrinte 2.5 milionë, 2.5 milionë viktima u regjistruan në më pak se tetë muaj.
Mesatarisht 8 mijë viktima janë raportuar çdo ditë në gjithë botën gjatë javës së fundit apo rreth pesë vdekje çdo minutë.
Sipas të dhënave nga Our World in Data, më shumë se gjysma e botës ende nuk ka marr një dozë të vaksinës kundër Covid.
Ditët e fundit ka pasur një përqëndrim në rritje për marrjen e vaksinave në vendet më të varfra, ku shumë njerëz ende nuk janë vaksinuar me dozën e parë.
Varianti Delta tani është lloji dominues në të gjithë globin dhe është raportuar në 187 nga 194 vende anëtare të Organizatës Botërore të Shëndetit./Gazeta Shneta/