Ministri i Shëndetësisë i Gjermanisë, lëshoi sot një paralajmërim të ashpër mes rasteve në rritje të shpejtë të Covid-19, duke u thënë gjermanëve se deri në fund të dimrit të gjithë ose do të jenë “vaksinuar, shëruar ose të vdekur”.
Jens Spahn u bëri thirrje gjermanëve që të vaksinohen urgjentisht – ose, nëse është e aplikueshme, të marrin doza përforcuese – pasi vendi regjistroi më shumë se 30,000 raste të reja të koronavirusit në 24 orët e fundit, shkruan The Guardian përcjell Gazeta Shneta.
Spitalet paralajmëruan se njësitë e kujdesit intensiv ishin pothuajse plot dhe se disa pacientë duhej të transferoheshin në klinika të largëta për t’u trajtuar, raporton Associated Press.
Ministri Spahn u tha gazetarëve në Berlin:
Deri në fund të këtij dimri, pothuajse të gjithë në Gjermani … do të jenë vaksinuar, shëruar ose kanë vdekur.
Duke pranuar se disa e panë parashikimin e tij si cinik, ai shtoi se: “Por është e vërtetë. Me variantin Delta shumë ngjitëse kjo është shumë, shumë e mundshme dhe kjo është arsyeja pse ne po rekomandojmë vaksinimin kaq urgjent”.
Ai tha se pret që BE-ja të miratojë vaksinat për fëmijët nga 5 deri në 11 vjeç deri në fund të javës. Fëmijët e moshës shkollore kanë ndër normat më të larta të infeksionit në vend. /Gazeta Shneta/