Presidentja e Komisionit Evropian, Ursula von der Leyen, ka thënë se është koha që vendet anëtare të BE-së të marrin në konsideratë vaksinimet e detyrueshme.
Sipas saj, këto masa kërkohen për shkak të shfaqjes së variantit Omicron shkruan BBC, transmeton Gazeta Shneta.
“Nga njëra anë kemi virusin dhe variantet, nga ana tjetër kemi vaksinimin dhe dozat përforcuese dhe dua që pjesa e dytë të fitojë”, u tha ajo gazetarëve në Bruksel.
Sipas saj, një pjesë e konsiderueshme e njerëzve mund të vaksinohen.
“Prandaj, mendoj se është e kuptueshme dhe e përshtatshme që ta drejtojmë këtë diskutim tani (mbi) mënyrën se si mund të inkurajojmë dhe të mendojmë potencialisht për vaksinimin e detyrueshëm brenda Bashkimit Evropian,” shtoi ajo.
“Kjo ka nevojë për diskutim. Kjo ka nevojë për një qasje të përbashkët, por është një diskutim që unë mendoj se duhet të drejtohet.”, u shpreh ajo./Gazeta Shneta/