117 qytetarë kanë kërkuar ndihmë mjekësore pas aksidenteve në trafik në Klinikën Emergjente në Qendrën Klinike Universitare të Kosovës për vetëm brenda pesë ditëve.
Sipas njoftimit, trajtimi i tyre është duke vazhduar në Klinikën Kirurgjikale, Internistike dhe Mjekim Intensiv. Ndërsa në përgjithsi në këtë interval kohorë trajtim mjekësore kanë pranuar 1090 pacientë.
“Gjatë kësaj periudhe kohore janë kryer 13 operacione emergjente, në salla emergjente të Klinikës Emergjente. Janë kryer edhe shërbime të tjera mjekësore emergjente nga ana e stafit kujdestar të Klinikës Emergjente dhe klinikave tjera që kryejnë shërbime në kuadër të kujdestarive në këtë klinikë”, thuhet poashtu në njoftimi. /Gazeta Shneta/