Numri i rasteve të reja të koronavirusit dhe vdekjeve, po bien globalisht pasi arriti kulmin në muajin janar, njoftoi Organizata Botërore e Shëndetësisë (OBSH).
Në vlerësimin e tyre të fundit javor të pandemisë, agjencia shëndetësore e OKB-së, tha se kishte më shumë se 3.7 milionë infeksione të reja dhe 9,000 vdekje në javën e fundit, një rënie prej 3% dhe 11% respektivisht, shkruan MedicalxPress përcjell Gazeta Shneta.
Rastet e COVID-19 u rritën vetëm në dy rajone të botës: në Amerikë dhe në Paqësorin Perëndimor.
OBSH tha se po gjurmonte të gjitha nënvariantet e Omicron si “variante të shqetësimit”.
Ndërkohë në Pekin, autoritetet në kryeqytetin kinez urdhëruan punëtorët dhe studentë të qëndrojnë në shtëpi dhe zbatuan testime masive shtesë të hënën pasi rastet e COVID-19 vazhdojnë të rriten.
Komplekse të shumta banimi në qytet kanë kufizuar lëvizjen brenda dhe jashtë, megjithëse kushtet e bllokimit mbeten shumë më pak të rënda se në Shangai, ku miliona qytetarë kanë qenë nën shkallë të ndryshme bllokimi për dy muaj.
Kina po zotohet t’i përmbahet një politike “zero-COVID” pavarësisht faktit se OBSH e përshkruan politikën si “të paqëndrueshme”, duke pasur parasysh natyrën infektive të Omicron dhe nënvarianteve të tij. /Gazeta Shneta/