Bebi juaj tani ka hyrë në muajin e pestë të ekzistencës në trupin tuaj. Thonjtë i ka gati dhe sistemi i brendshëm i organeve po bëhet funksional dita ditës.
Mushkëritë ende nuk janë formuar, por bebi juaj vazhdon ta praktikojë frymëmarrjen në mënyrë që të jetë gati për këtë ndjenjë pas lindjes.
Oksigjenin ajo po e merr nga gjaku juaj në placentë derisa ta provojë atë nga ambienti për herë të parë pas lindjes.
Duhet ta dini se konsumimi i duhanit ulë prezencën e oksigjenit në gjak, andaj preferohet që të ndaloni konsumimin, të paktën sa të jeni shtatzënë.
Ndryshimet te ju
Sikurse ju njoftuam për një javë më parë, shenjat në trupin tuaj po vazhdojnë të kenë prezencë më të madh me tërheqjen e lëkurës – kjo është shumë më evidente te nënat që presin binjakë.
Sipas studimeve të fundit, nënat në këtë periudhë kanë epsh më të madh për të kryer marrëdhënie seksuale, andaj vetëm vazhdoni! Bebi juaj do të jetë i sigurt.
Sa i përket belit tuaj – ai tani matet në rreth 20-24 centimetra në lartësi fundale. Nëse jeni shtatzënë me binjakë, kjo gjatësi dhe vlerë referente nuk vlen.
Sa i përket ushqimeve, mjeku juaj mund t’iu rekomandojë që të shtoni dozën e kalorive ushqyese për një ditë me 300 ekstra.
Kontrolli me ultrazzë
Tani që sytë dhe buzët janë zhvilluar dhe janë bërë njerëzore, bebi juaj duket shumë më mirë. Ai tani fle në cikle nga 12-14 orë në ditë.
Sigurisht se mund të vëreni kohën e gjumit të tyre – është koha kur ju nuk ndjeni goditje apo lëvizje brenda trupit tuaj.
Nëse ende nuk e keni kryer ekzaminimin anatomik të bebit tuaj me ultrazë, atëherë duhet ta bëni patjetër këtë javë.
Ky ultrazë ju jep detaje për organet e zhvilluara të bebit tuaj si dhe mund të jetë ultrazëri që zyrtarisht ua konfirmon gjininë e fëmijës në pritje.
Nëse nuk e keni dëgjuar deri tani zemrën e bebit tuaj, ju mund ta dëgjoni tingullin tani. Nuk besojmë që ka tingull më të mirë për ju.