Një studim i ri, nxjerrë në pah se fëmijët dhe të rriturit jo vetëm ata të shtruar në spital me një formë të rëndë të COVID-it, por edhe një infeksion i butë mund të dërgojë në simptomat të COVID të gjatë.
Ky studim i ri u botua në “The Pediatric Infectious Disease Journal”.
Studiuesit ekzaminuan të dhënat nga vullnetarët në të gjithë shtetin e Teksasit midis moshës 5 dhe 18 vjeç, të cilët u regjistruan në sondazhin e Texas CARES, i cili filloi në tetor të vitit 2020 me qëllimin e vlerësimit të statusit të antitrupave COVID-19 me kalimin e kohës midis një popullate të rriturish dhe fëmijëve në Teksas, përcjell Gazeta Shneta.
Të dhënat për këtë studim u mblodhën para dhe pas prezantimit të vaksinës dhe gjatë valëve të varianteve Delta dhe Omicron.
“Ne ishim të interesuar të kuptonim nëse fëmijët e prekur me një infeksion akut ose të rëndë të COVID-19 do të vazhdonin të kishin simptoma të vazhdueshme, ose atë që ne e quajmë COVID të gjatë,” tha Sarah Messiah, autorja e parë e studimit dhe profesoreshë e epidemiologjisë.
“Ky studim i veçantë është unik si studimi i parë i bazuar në popullatë në literaturë që raporton mbi prevalencën e gjatë të COVID-it tek fëmijët që nuk janë shtruar në spital me COVID-19.”
Një total prej 82 vullnetarësh pediatrik (4.8% e 1813 totalit) raportuan se kishin simptoma të gjata të COVID, ku prej tyre 1.5% shfaqën simptoma që zgjatën nga katër deri në 12 javë, duke përfshirë humbjen e shijes dhe nuhatjes, lodhjen dhe kollën.
Një tjetër grup, 3.3% raportoi se simptoma të tilla si humbja e shijes dhe nuhatjes, kolla dhe vështirësia në frymëmarrje vazhduan për më shumë se 12 javë. /Gazeta Shneta/