Spitali i Ferizajt e ka anuluar tenderin 46 mijë eurosh për rregullimin e oborrit të Qendrës Integruese Rehabilituese për të Sëmurët Kronik Psikiatrik në Shtime, pas raportimit të Gazetës Shneta
Zyra e Prokurimit në Spitalin e Ferizajt ka njoftuar se është anuluar tenderi 46 mijë eurosh për rregullimin e hapësirave të oborrit të Qendrës për të Sëmurët Kronik Psikiatrik në Shtime, shkruan Gazeta Shneta.
Anulimi i këtij tenderi ka ardhur pas raportimit të Gazetës Shneta dhe me kërkesë të menaxhmentit të Shërbimit Spitalor Klinik Universitar të Kosovës. Këtë të fundit e ka përmendur edhe Zyra e Prokurimit në vendimin për anulimin e tenderit.
“Arsyeja e anulimit është se pas konsultave me drejtorin financiar pran Bordit të SHSKUK-së, (Enver) Z.Gashi lidhur me shpenzimet e fondeve sipas kategorisë ekonomike (kodeve) të planifikuara nga QIRSPK-Shtime për Rinovimin dhe rregullimin e hapësirave të jashtme të oborrit në QIRSKP-Shtime”, thuhet në vendimin e menaxherit të prokurimit, Sami Musliu.
Gazeta Shneta ka raportuar ditë më parë se ky ishte tenderi i dytë për rregullimin e oborrit në Qendrën e Shtimës, pas atij të vitit 2019 i cili kishte kosto rreth 78 mijë euro. Menaxheri i prokurimit në Spitalin e Ferizajt ishte arsyetuar se tenderi është rihapur pasi kompania i kishte kryer vetëm 60 për qind të punimeve dhe ishte paguar me rreth 44 mijë euro.
Qendra Rehabilituese në Shtime me tender në vlerë 46 mijë euro për rregullmin e oborrit
Por këto pretendime të menaxherit të prokurimit i ka mohuar kompania CDC përmes një përgjigje për Gazetën Shneta ku ka deklaruar se janë kryer të gjitha punimet sipas kontratës. /Gazeta Shneta/
Kompania “CDC”: Kemi kryer të gjitha punët në Qendrën e Shtimes sipas kontrates