Barnat për qetësimin e dhimbjeve dhe antibiotikët kanë të dyja profile të mira sigurie, kështu që nuk ka gjasa të shkaktojnë dëm kur merren sipas udhëzimeve.
Ndërsa ato merren rrallë për periudha të gjata, ka pasur raporte në rritje të komplikimeve që vijnë nga përdorimi afatgjatë, shkruan Express.co.uk përcjell Gazeta Shneta.
Dëmtimi i mëlçisë, gjakderdhja e stomakut dhe sëmundja e veshkave, të gjitha janë të lidhura me përdorimin afatgjatë të barnave.
Praktikimi i kujdesit, megjithatë, mund të ndihmojë në parandalimin e komplikimeve si aritmitë e zemrës.
Klinika Cleveland publikoi një raport vitin e kaluar duke paralajmëruar kundër përdorimit të disa qetësuesve të dhimbjeve (NSAID) dhe antibiotikëve për pacientët që kanë fibrilacion atrial.
Sipas Klinikës: “Nëse keni fibrilacion atrial (rrahje të parregullta të zemrës) dhe jeni duke marrë hollues gjaku për të ulur rrezikun e mpiksjes së gjakut dhe goditjes në tru, kujdes nga barnat anti-inflamatore jo-steroidale (NSAIDS).
“NSAIDs përfshijnë qetësuesit e zakonshëm të dhimbjes naproksen dhe ibuprofen.”
Doktor Stephen G. Ellis, kardiolog në Klinikën Cleveland shpjegoi se këto barna, të cilat janë të disponueshme pa recetë dhe që përdoren zakonisht për të lehtësuar dhimbjet që kemi të gjithë ne, janë gjithashtu hollues të gjakut.
Ai shtoi: “Nëse i kombinoni me hollues gjaku me recetë, mund të keni gjakderdhje serioze”.
Klinika Cleveland, mes tjerash tregon se njerëzit me rrezik të lartë të aritmisë duhet gjithashtu të kenë kujdes kur përdorin disa lloje të antibiotikëve.
Këto, shpjegon ai, mund të “çrregullojnë aktivitetin elektrik të zemrës dhe të çojnë në një rrahje të shpejtë të zemrës (ndonjëherë vdekjeprurëse).
“Azitromicina është një antibiotik popullor që është lidhur me vdekjet kardio-vaskulare të lidhura me aritminë.
Ndërsa, Levofloxacina ka treguar një rrezik të ngjashëm, në anën tjetër amoxicillin dhe ciprofloxacin kanë treguar rreziqe më të ulëta.”
Këto barna janë studiuar për lidhjet e tyre me disa komplikime kardiovaskulare, si sulmi në zemër dhe goditje në tru, por literatura mbi lidhjet e tyre me ritmet e çrregullta të zemrës është e pakët.
Hulumtimi që daton që nga viti 2011, i botuar ‘British Medical Journal’, ishte ndër të parët që ngriti ndërgjegjësimin për këtë çështje.
Barnat e përfshira në studim ishin barna anti-inflamatore jo-steroidale jo selektive (NSAIDs) dhe barnat anti-inflamatore të njohura si frenuesit COX-2.
Hulumtimi i kryer nga studiuesit në Spitalin Universitar Aarhus në Danimarkë zbuloi se qetësuesit e dhimbjes shoqëroheshin me një rrezik në rritje të fibrilacionit atrial ose dridhjeve të zemrës.
Kjo lidhje duket të jetë më e fortë për përdoruesit e grupit të barnave NSAID dhe një rrezik 70 për qind të rritur të frenuesve COX-2.
Për më tepër, rreziku ishte më i lartë tek njerëzit e moshuar, pacientët me sëmundje kronike të veshkave ose artrit reumatoid që fillonin trajtimin me frenuesit COX-2.
Është sugjeruar që mekanizmat me të cilët NSAID-të çojnë në një rritje të ngjarjeve kardiovaskulare, ka të ngjarë të zbresin në një reduktim selektiv të aktivitetit të prostaciklinës, i cili predispozon trupin ndaj dëmtimit endotelial.
Kjo mund të çojë në zhvillimin e disa komplikimeve kardiovaskulare, duke përfshirë isheminë e miokardit dhe goditjen në tru.
Sipas një studimi të financuar nga Fondacioni Britanik i Zemrës në fillim të këtij viti, paracetamoli i përdorur në periudha afatgjate ishte i lidhur edhe me komplikime të tjera si presioni i lartë i gjakut, sëmundjet e zemrës dhe goditjet në tru.
Megjithatë, marrja e paracetamolit dhe antibiotikëve sipas udhëzimeve nuk ka gjasa të përbëjë rreziqe të rëndësishme për shëndetin. /Gazeta Shneta/