Çiftet autike janë më të prekshëm ndaj depresionit dhe ankthit gjatë shtatzënisë, sipas një studimi të ri nga Universiteti i Kembrixhit.
Rezultatet janë publikuar në Journal of Autism and Developmental Disorders dhe kanë implikime të rëndësishme për mbështetjen e personave autikë gjatë shtatzënisë, shkruan Medical Xpress përcjell Gazeta Shneta.
Ky studim i ri zbuloi se prindërit autikë kishin rreth tre herë më shumë gjasa se prindërit jo autikë të raportonin se kishin përjetuar depresion prenatal (24% e prindërve autikë) dhe ankth (48 % e prindërve autikë).
“Ky studim sugjeron që njerëzit autikë janë më të prekshëm ndaj vështirësive të shëndetit mendor gjatë shtatzënisë. Është e domosdoshme që një kontroll dhe mbështetje efektive e shëndetit mendor të jetë në dispozicion për njerëzit autikë gjatë shtatzënisë.”
Dr. Rosie Holt, një anëtare e ekipit hulumtues, shtoi se:
“Rezultatet sugjerojnë gjithashtu se njerëzit autikë mund të përfitojnë nga përshtatjet mbi kujdesin shëndetësor para lindjes. Këto mund të përfshijnë rregullime në mjedisin ndijor të kujdesit shëndetësor, si dhe rregullime në mënyrën se si informacioni është komunikuar gjatë takimeve para lindjes.”
Dr. Carrie Allison, Zëvendës Drejtoreshë e Qendrës Kërkimore të Autizmit dhe një anëtare e ekipit, tha se:
“Ne jemi mirënjohës për anëtarët e komunitetit autik për dhënien e komenteve kur kemi hartuar këtë hulumtim. Është jetike që njerëzit autikë me përvojë të jetuar të ndihmojnë formësojmë kërkimin që bëjmë dhe i mbajmë prioritetet e tyre si një fokus të qartë.”
Profesor Simon Baron-Cohen, Drejtor i Qendrës Kërkimore të Autizmit dhe anëtar i ekipit hulumtues, tha se:
“Është e rëndësishme që të kryhen më shumë kërkime duke parë përvojat e prindërve të rinj autikë, të cilët janë lënë pas dore në kërkime dhe e rëndësishme që ky hulumtim të përkthehet në politikën dhe praktikën e kujdesit shëndetësor dhe social për të siguruar që këta prindër të marrin mbështetjen dhe përshtatjet që u nevojiten në kohën e duhur.” /Gazeta Shneta/