Infrastruktura në klinikat dhe spitalet në vend është në gjendje të mjerueshme dhe në mungesë të gjërave bazike, siç janë roletët për mbrojtje të diellit apo perdet si dhe shumë shpesh mund të hasësh në gjëra të dëmtuara dhe që askush nuk i rregullon ato, rasti konkret është dyshemeja e dëmtuar në njërën nga dhomat e Ortopedisë.
Foto: Gazeta Shneta
Dyshemeja e dëmtuar – Ortopedi
Foto: Gazeta Shneta
Kjo dysheme është në këtë gjendje tash e disa muaj dhe asnjëherë nuk është rregulluar.
Përveç dyshemes së dëmtuar problemi qëndron edhe tek mungesa e roletave apo perdeve brenda kësaj klinike.
Dielli i cili depërton përmes dritareve shpesh herë pengon pacientët e shtrirë në dhomat e klinikave, por për të bërë dhomën më komode familjarët e pacientëve shpesh herë vendosin batanije e letra nëpër dritaret e klinikave.
Pacientët në njërën nga dhomat e Klinikës së Ortopedisë me Trumatologji kanë vendosur letra nëpër dritare në mënyrë që të mos depërtoj dielli.
Perdet e Improvizuara ne Ortopedi
Foto:Gazeta Shneta
“Vetë na i kemi vendos” – tha njëri nga familjarët i cili tash e disa ditë përkujdeset për familjarin e tij të shtrirë në këtë klinik.
Madje në këtë dhomë vërehet qartë edhe klima jo funksionale.
Në gjendje “horror” është kati i fundit në Klinikën e Internos. Shtretër, dyshekë, karriga, tavolina e pajisje të tjera “të panevojshme” janë të vendosura në këtë pjesë të klinikës, që në shikim të parë të jepin ndjesin e një vendi të braktisur./Gazeta Shneta/
Reparti “horror” në QKUK, këtu ushqehen mirëmbajtësit – VIDEO