Shkruan Lira Gjika, pediatre.
Prindë, përpiquni që fëmijëve deri në moshën dy vjeç mos t’i përdorni celularin, TV apo kompiuterin, qoftë për ta ushqyer apo për të parë përralla e lojra në të. Por edhe pas moshës dy vjeç duhet kujdes. Përdorimi i mjeteve elektronikederi deri në moshën dy vjeç bën vetëm dëm. Përdorimi i mjeteve elektronike, provokon atë që shkencëtarët e quajnë “autizëm virtual”. Fëmija fillon ti mësojë fjalët dhe të folurën jo më nga njerzit, pra nëna, babai dhe të afërmit e tjerë, por nga sendi. Fjala dhe e folura janë “produkte” sociale, ato mësohen dhe zhvillohen nëpërmjet komunikimin njeri me njeri. Kur të rriturit e prishin këtë rregull dhe e lenë fëmijën vetëm me sendet, ai nuk ka rrugë tjetër, mbetet i vetëm në botën virtuale të “sendit që flet”. Në këto mosha të brishta, ai nuk e zhvillon fjalën dhe të folurën si një marrëdhënie njeri me njeri. Të qëndruarit vazhdimisht me mjetet elektronike, pengojnë te fëmija zhvillimin e të gjitha strukturave që realizojnë procesin e komunikimit dhe të folurës. E folura është eksperienca dhe eksperimenti më i fuqishëm që e bën njeriun njeri. Kujdes prindër, padashur po i gjymtoni fëmijët te e folura dhe komunikimi. Fëmija sapo lind vëzhgon nënën që të sigurohet, të zhvillojë të folurën dhe të zhvillojë komunikimi. Ky process është I lidhur me nënën me kontaktin me të me gjitin, shikimin dhe zërin e saj. Në këto moment fillon e ndërtohet themeli I psihës së fëmijës për tu rritur e bërë vetja. Prandaj evitoni celularët, kompiuterat dhe TV. Njeriu është qenie kohore dhe fëmija si i tillë duhet ndihmuar që sa vjen në këtë botë. Proceset e sigurisë dhe të të folurit po nuk u ndërtuan në këtë periudhë të jetës, pra 0-2 vjecc më pas gjithccka mbetet në dorë të rastësisë. Lira Gjika