Organizata Botërore e Shëndetësisë (OBSH), ka thënë se vdekjet nga COVID-19 kishin rënë me 95 për qind që nga fillimi i vitit – por paralajmëruan se virusi është ende në lëvizje.
“Ne jemi shumë të inkurajuar nga rënia e vazhdueshme e vdekjeve të raportuara nga COVID-19, të cilat kanë rënë 95 për qind që nga fillimi i këtij viti,” tha shefi i OBSH-së, Tedros Adhanom Ghebreyesus në një konferencë për shtyp raporton AFP përcjell Gazeta Shneta.
“Megjithatë, disa vende po shohin rritje dhe gjatë katër javëve të fundit, 14,000 njerëz humbën jetën nga kjo sëmundje.
“Dhe, siç ilustrohet shfaqja e variantit të ri XBB.1.16, virusi është ende në ndryshim dhe është ende i aftë të shkaktojë valë të reja sëmundjesh dhe vdekjesh.”
Maria Van Kerkhove, drejtuesja teknike e OBSH-së për COVID-19, tha se sub-linja e XBB tani është mbizotëruese në mbarë botën.
Ajo bëri thirrje për rritje të mbikëqyrjes përmes testimit “në mënyrë që të mund të monitorojmë vetë virusin dhe të kuptojmë se çfarë do të thotë secili prej këtyre mutacioneve”.
Ndërkohë drejtori Tedros ka thënë se një në dhjetë infeksione rezultuan në COVID të zgjatur, duke sugjeruar se qindra miliona njerëz do të kishin nevojë për kujdes afatgjatë. /Gazeta Shneta/