Në ditën ndërkombëtare të infermierëve Memli Krasniqi ka thënë se është është obligim i tyre, e, posaçërisht i Qeverisë, që të angazhohet për krijimin e kushteve sa më dinjitoze për infermierët.
Ai përmes një postimi në facebook ka treguar se nëna e tij tash e 45 vite punon si infermerie, shkruan Gazeta Shneta.
Nëna ime Edibja, tash e 45 vjet është në shërbim të qytetarëve të vendit si infermiere. Një kontribut i gjatë dhe jo pak i lodhshëm, por që unë e di se po të kishte mundësi – ajo do ta bënte përsëri nga dita e parë, – ka shkruar ai.
Ai ka falënderuar infermierët për punën e palodhshme që bëjnë duke thënë se është obligim i tyre që të ofrojnë kushte sa ma të mira për këtë sektor të shëndetësisë.
Prandaj, sot, në Ditën Ndërkombëtare të Infermierëve, dua që të uroj e falënderoj jo vetëm nënën time, por të gjithë infermierët e vendit tonë, vijën e parë të kujdesit shëndetësor, të cilët japin shpirtin për të na mbajtur të sigurt dhe të shëndetshëm.
Njoftimi i tij i plotë:
Nëna ime Edibja, tash e 45 vjet është në shërbim të qytetarëve të vendit si infermiere. Një kontribut i gjatë dhe jo pak i lodhshëm, por që unë e di se po të kishte mundësi – ajo do ta bënte përsëri nga dita e parë.
Dhe, këtë, për dy arsye: E para, sepse ky është profesioni i infermierit: një jetë në shërbim të tjerëve – posaçërisht atyre që kanë më shumë nevojë. Shumë punë, sakrificë e mund për ta bërë tjetrin të ndjehet më mirë. Dhe, e dyta, sepse kështu janë nënat tona shqiptare. Plot pasion, zemër dhe empati.
Prandaj, sot, në Ditën Ndërkombëtare të Infermierëve, dua që të uroj e falënderoj jo vetëm nënën time, por të gjithë infermierët e vendit tonë, vijën e parë të kujdesit shëndetësor, të cilët japin shpirtin për të na mbajtur të sigurt dhe të shëndetshëm.
Përkushtimi, dhembshuria dhe profesionalizmi juaj bëjnë një ndryshim të jashtëzakonshëm në jetën tonë si individë, në familjet tona dhe në shtetin tonë. Prandaj, faleminderit për gjithçka që jeni dhe gjithçka që bëni.
Natyrisht, krahas këtij falënderimi, është obligim i yni, e, posaçërisht i Qeverisë, që të angazhohet për krijimin e kushteve sa më dinjitoze për infermierët tanë. Kosova nuk ka infermierë për shtetet tjera. Ato dhe ata na duhen në Kosovë, që vullnetin dhe profesionalizimin e tyre ta dhurojnë tek njerëzit tanë. Nuk ndjehet askush më keq sesa infermierët kur nuk mund t’i ofrojnë një shërbim një pacienti në mungesë të pajisjeve ose ilaçeve – siç, fatkeqësisht, po ndodh akoma në Kosovë.
Prandaj, më shumë kushte për infermierët, për më shumë kujdes ndaj qytetarëve tanë.
Gëzuar Dita e juaj dhe faleminderit për kontributin!
“Si infermiere, ne kemi mundësi që të shërojmë mendjen, shpirtin, zemrën dhe trupin e pacientit. Ata mund të harrojnë emrin tuaj, por nuk do të harrojnë asnjëherë se si i keni bërë që të ndjehen”, Maya Angelou! /Gazeta Shneta/
