Një studiues i Rutgers-it që drejtonte një hulumtim zbuloi se kombinimi i ri i antibiotikut sulbactam-durlobactam lufton pneumoninë e rrezikshme të paktën si trajtim më i mirë sesa ato të miratuara aktualisht.
Gjetjet kanë bërë që një komitet unanim ekspertësh të rekomandojë që Administrata e Ushqimit dhe Barnave (FDA) të miratojë ilaçin e ri, i cili mund të jetë i disponueshëm këtë verë për të luftuar llojin shpesh fatal të pneumonisë, i njohur si kompleksi Acinetobacter baumannii-calcoaceticus rezistent ndaj karbapenemit (ABC), e që zakonisht fitohet në spitale.
“Infeksionet rezistente ndaj antibiotikëve janë një problem serioz dhe i vazhdueshëm në institucionet e kujdesit shëndetësor, dhe (Qendrat për Kontrollin e Sëmundjeve) e rendit ABC në nivelin më të lartë në listën e tyre të kërcënimeve,” tha Keith Kaye, shefi i Divizionit të Alergjisë, Imunologjisë dhe Sëmundjeve Infektive në shkollën mjekësore Robert Wood Johnson dhe autori i parë i raportit të hulumtimit në revistën “The Lancet Infectious Diseases”.
“Rreth 8,500 raste të analizuara nga spitali kanë marr jetën e 700 pacientëve dhe kushtuan plot 280 milionë dollarë në vitin 2019, kështu që ne kishim shumë nevojë për një trajtim të rëndësishëm si sulbactam-durlobactam.”
Në këtë studim u përdorë bari imipenem-cilastatin në 181 pacientëve me infeksionin ABC të konfirmuar nga laboratori dhe më pas të randomizuara në trajtim shtesë ose me sulbactam-durlobactam ose me trajtimin më të mirë ekzistues, si antibiotiku i quajtur kolistin.
Vdekshmëria për shkaqe të shumëfishta pas 28 ditësh ishte 12 nga 63 (19 përqind) në grupin sulbactam-durlobactam dhe 20 nga 62 (32 përqind) në grupin kolistin.
Prova ishte mjaft e madhe për të vërtetuar se sulbactam-durlobactam parandalon të paktën po aq vdekje sa kolistina, por jo aq i madh sa për të vërtetuar epërsinë e tij në këtë prove.
Rezultatet e provës vërtetuan se sulbactam-durlobactam mund kolistinën në një aspekt thelbësor siç është: tolerueshmërinë.
Lëndimet e veshkave dhe të gjitha efektet anësore të lidhura me trajtimin ishin dukshëm më të ulëta për pacientët që morën sulbactam-durlobactam sesa për pacientët që morën kolistin.
Një avantazh tjetër i antibiotikut të ri është dozimi. Të gjithë pacientët marrin të njëjtën dozë injektuese të sulbactam-durlobactam. Dozat e kolistinës në studim, nga ana tjetër, ndryshonin me peshën e pacientit, kështu që është shumë më e lehtë për ofruesit të përshkruajnë ose administrojnë sasinë e gabuar.
Siç nënkupton edhe emri i tij, sulbactam-durlobactam kombinon dy ilaçe.
Sulbactam është miratuar për përdorim që nga viti 1986, por durlobactam është i ri dhe ende nuk ka marrë miratimin.
Megjithatë, kjo mund të ndryshojë së shpejti.
Komiteti Këshillimor i FDA-së për Barnat Antimikrobiale shqyrtoi rezultatet paraprake të provës së re, së bashku me studimet e mëparshme, dhe rekomandoi më 17 prill që FDA të miratojë kombinimin e ri për trajtimin ABC. /Gazeta Shneta/