Gjatë ditës, Abdul Rasheed dhe Shoaib Ahmed, 9 dhe 13 vjeç, janë si çdo vëllezër të tjerë që qeshin dhe luajnë së bashku.
Por sapo dielli perëndon ata shemben në një gjendje vegjetative – plotësisht të paralizuar dhe të paaftë për të folur. Vëllezërit, të cilët jetojnë në Pakistan, janë quajtur ‘fëmijët diellorë’ pasi prindërit e tyre pretendojnë se e marrin energjinë nga dielli, shkruan Daily Mail, transmeton Gazeta Shneta.
Rasti ka habitur mjekët të cilët nuk e kanë idenë se çfarë po i shkakton simptomat e tyre. Abdul Rasheed dhe Shoaib Ahmed, 9 dhe 13, janë si çdo vëllezër të tjerë gjatë ditës, por bien në një gjendje vegjetative, të paralizuar dhe të paaftë për të folur, gjatë natës.
Mjekët në një spital në Islamabad nuk e dinë se çfarë po i shkakton simptomat e çuditshme të vëllezërve dhe po kryejnë teste mjekësore. Javed Akram, një profesor i mjekësisë në Institutin e Shkencave Mjekësore të Pakistanit, i cili po i trajton ata, tha: “Ne e morëm këtë rast si një sfidë.”
“Mjekët tanë po bëjnë teste mjekësore për të përcaktuar pse këta fëmijë mbeten aktivë gjatë ditës, por nuk mund të hapin sytë, pse nuk mund të flasin apo të hanë kur perëndon dielli.
Profesor Akram tha se qeveria po ofronte kujdes mjekësor falas për vëllezërit e motrat, të cilët vijnë nga një familje e varfër.
”Ata po i nënshtrohen testeve të gjera mjekësore dhe mostrat e gjakut të tyre janë dërguar te specialistët jashtë shtetit për ekzaminim të mëtejshëm”, tha ai.
Studiuesit po mbledhin gjithashtu mostra dheu dhe ajri nga fshati i lindjes së familjes. Prindërit e tyre thonë se e marrin energjinë e tyre nga dielli – dhe kështu vëllezërit janë quajtur ‘fëmijët diellorë’
Babai i vëllezërve, Mohammad Hashim, vjen nga një fshat afër Quetta, kryeqyteti i provincës jugperëndimore të Baluchistanit.
Ai dhe gruaja e tij janë kushërinj të parë dhe dy nga gjashtë fëmijët e tyre vdiqën në moshë të re. Dy fëmijët e tyre të tjerë nuk kanë shfaqur ndonjë simptomë të pazakontë.
“Unë mendoj se djemtë e mi marrin energji nga dielli,” tha ai.
Por mjekët tashmë e kanë hedhur poshtë idenë se drita e diellit luan një rol, duke vënë në dukje se djemtë mund të lëvizin gjatë ditës edhe kur mbahen në një dhomë të errët ose gjatë një stuhie shiu.
Pavarësisht nga mundimi i tyre i çuditshëm, djemtë janë energjikë dhe të gëzuar.
“Unë do të bëhem mësues,” tha Shoaib Ahmed, ndërsa vëllai i tij më i vogël tha se dëshiron të jetë një dijetar islam./Gazeta Shneta/