Krahas kancerit të lëkurës, kanceri i prostatës është forma më e zakonshme e kancerit në Shtetet e Bashkuara. Megjithatë, shumë raste të kancerit të prostatës mbidiagnostikohen për shkak të joefikasitetit të antigjenit specifik të prostatës, ose testit PSA.
Javën e kaluar, Oxford Biodynamics njoftoi rreth lëshimit të testit të tyre të gjakut EpiSwitch Screening Prostate (PSE) pas vërtetimit të suksesshëm laboratorik, shkruan Health News përcjell Gazeta Shneta.
Kompania e bioteknologjisë me bazë në Mbretërinë e Bashkuar ka thënë se pajisja e tyre përmirëson saktësinë parashikuese të testeve aktuale të PSA në 94%.
Instituti Kombëtar i Shëndetit i SHBA-së, thekson se testet PSA mund të ndihmojnë në zbulimin e tumoreve të vegjël. Për shkak të kësaj, shumë nga tumoret e vegjël të zbuluar ka të ngjarë të rriten. Zbulimi i këtyre formave të tumoreve njihet si “mbidiagnozë” që çon në “mbitrajtim”.
Sipas CDC, rezultatet e rreme pozitive për kancerin e prostatës mund të çojnë në teste të panevojshme, si një biopsi e prostatës.
Efektet anësore të mundshme të biopsisë përfshijnë dhimbje, infeksione dhe gjakderdhje.
CDC thotë se burrat e moshuar kanë më shumë gjasa të kenë rezultate false pozitive të testit.
Mes tjerash, CDC zbulon se trajtimi i tepërt i ekspozon individët ndaj komplikimeve të panevojshme që lidhen me kirurgjinë e prostatës dhe terapinë me rrezatim.
Efektet anësore të mundshme të trajtimit të kancerit të prostatës të listuara nga CDC janë:
Paaftësia urinare: Pothuajse një në çdo pesë burra që kanë kirurgji të prostatës humbasin aftësinë për të menaxhuar fshikëzën e tyre.
Disfunksioni erektil: Rreth dy në çdo tre burra që bëjnë operacion në prostatë bëhen impotent. Ndërkohë gjysma e meshkujve që marrin terapi me rrezatim bëhen impotent.
Rezultatet false-pozitive janë të zakonshme me ekzaminimin PSA, ka thënë NIH.
Vetëm rreth 25% e meshkujve që marrin një biopsi të prostatës për shkak të niveleve të larta të PSA-së, zbulohet se kanë kancer të prostatës pas përfundimit të testit të biopsisë. Mbi një milion pacientë amerikanë çdo vit i nënshtrohen një biopsie të prostatës.
Testi i ri i Screening Prostate EpiSwitch ose PSE i zhvilluar nga Oxford Biodynamics kryhet së bashku me një test standard PSA për të parashikuar praninë ose mungesën e kancerit të prostatës.
Testi PSE tani është i disponueshëm për porosi. Rezultatet e testit zgjasin maksimumi pesë ditë pas marrjes së mostrës së gjakut.
Forma të reja të shqyrtimit të kancerit të prostatës, si testi PSE, nevojiten dëshpërimisht. CDC thotë se të gjithë meshkujt janë në rrezik të kancerit të prostatës dhe 13 nga 100 meshkuj në SHBA do të kenë kancer të prostatës gjatë jetës së tyre. Në vitin 2019, 224,733 kancere të reja të prostatës u raportuan në SHBA së bashku me 31,636 vdekje. /Gazeta Shneta/