Ndërsa plakemi, një nga shqetësimet më të mëdha është rreziku i rënies kognitive. Por ndërsa demenca prek miliona njerëz, kjo nuk është një pjesë “normale” e procesit të plakjes, sipas Institutit Kombëtar të Plakjes në SHBA.
Pra, edhe pse mund të duket si një rrethanë që është jashtë kontrollit tuaj, ka disa hapa që mund të ndërmerrni për ta mbajtur mendjen tuaj të mprehtë, shkruan burimi Best Life Wellness përcjell Gazeta Shneta.
Një studim i ri zbuloi se vetëm katër minuta stërvitje mund të ndihmojnë në mbajtjen e trurit tuaj të freskët.
Studimi, i cili u botua së fundmi në “Journal of Alzheimer’s Disease”, shqyrtoi efektin e aktivitetit fizik të moderuar dhe të fuqishëm në trurin e 10,125 pjesëmarrësve të shëndetshëm midis moshës 18 dhe 97 (mosha mesatare 53 vjeç).
Studimi u krye nga studiues në Pacific Brain Health Center (PBHC) nga Kalifornia.
Është mjaft interesante se 7,606 pjesëmarrësit që raportuan se merreshin rregullisht në aktivitete fizike si vrapimi, ecja ose sportet, kishin vëllime më të mëdha të trurit, sipas një njoftimi për shtyp të 11 dhjetorit.
Kjo ishte e vërtetë për pjesëmarrësit e të gjitha moshave – dhe për ata që ushtroheshin për më pak se katër minuta në ditë (ose 25 minuta në javë), sipas burimit The Washington Post.
Dr. Cyrus A. Raji, studiuesi kryesor dhe profesori i asociuar i radiologjisë dhe neurologjisë në Universitetin e Uashingtonit tha se 150 minuta çdo javë mund të jetë e vështirë për t’u arritur. Ata identifikuan 25 minuta në javë si një shumë që “dukej e arritshme” për shumicën e individëve.
Studiuesit ishin në gjendje të përcaktonin vëllimin e trurit duke përdorur skanime MRI të gjithë trupit dhe më pas duke përdorur inteligjencën artificiale (AI) për të ndihmuar në krahasimin e kësaj me zakonet e ushtrimeve.
Kur shikonin më tej indin e trurit, ata zbuluan se individët që ushtruan kishin vëllime më të mëdha të trurit në “zonat kryesore”. Kjo përfshinte lëndën gri, e cila ndihmon në përpunimin e informacionit dhe hipokampusin, i cili merret me kujtesën, sipas njoftimit për shtyp. Këto priren të tkurren me moshën, duke rritur potencialisht rrezikun e rënies njohëse dhe demencës sipas Dr. WaPo. /Gazeta Shneta/