Ka ndërruar jetë otorinolaringologu prof. dr. Refik Ramku.
Këtë e bëri të ditur Oda e Mjekëve, transmeton Gazeta Shneta.
Prof. Dr. Refik Ramku përfundoi studimet në universitetin e Beogradit në vitin 1968. Specializimin për otorinolaringolog e përfundoi gjithashtu në Fakultetin e Mjekësisë, në Beograd. Ndërsa doktoratën e përfundoi në Fakultetin e Mjekësisë, Universiteti i Prishtinës, në vitin 1986.
Dr. Ramku punoi fillimisht në Strugë dhe Gjilan, duke u zhvendosur më pas në Prishtinë ku edhe hapi klinikën e tij.
Oda e Mjekëve të Kosovës i shpreh ngushëllimet më të sinqerta familjarëve, miqve dhe kolegëve të tij. /Gazeta Shneta/