Administrata e Ushqimit dhe Barnave (FDA) ka miratuar Zevtera – një antibiotik i ri që vepron në tre infeksione të ndryshme bakteriale dhe kërpudhore që mund të jenë të vështira për t’u trajtuar.
Më 3 prill, FDA njoftoi miratimin e Zevteras për të trajtuar infeksionet e qarkullimit të gjakut nga Stafilokokus aureus tek të rriturit, infeksionet akute bakteriale të lëkurës dhe strukturës së lëkurës tek të rriturit dhe pneumoninë bakteriale të fituar nga komuniteti te pacientët e rritur dhe pediatrikë që janë të paktën tre muajsh, shkruan burimi Health News përcjell Gazeta Shneta.
Miratimi vjen pasi rezistenca ndaj antibiotikëve është në rritje dhe shumë infeksione po bëhen gjithnjë e më të vështira për t’u trajtuar, duke krijuar nevojën për barna të reja.
Antibiotiku i ri, i zhvilluar nga prodhuesi zviceran i barnave Basilea Pharmaceutica me substancë aktive ceftobiprole medocaril, administrohet me injeksion.
“FDA është e përkushtuar për të nxitur disponueshmërinë e antibiotikëve të rinj kur ato dëshmohen se janë të sigurt dhe efektiv si dhe Zevtera do të ofrojë një opsion trajtimi shtesë për një numër infeksionesh serioze bakteriale,” tha Dr. Peter Kim nga FDA në një njoftim për shtyp.
Aftësia e ilaçit për të trajtuar në mënyrë efektive të tre infeksionet e listuara u vërtetua në disa prova klinike të veçanta.
FDA thotë se pacientët nuk duhet të përdorin Zevtera nëse kanë një histori të njohur të mbindjeshmërisë së rëndë ndaj ceftobiprolit ose ndonjë prej përbërësve të Zevtera, ose anëtarëve të tjerë të klasës antibakteriale të cefalosporinave. /Gazeta Shneta/