Ministri i Shëndetësisë së Kosovës, Dr. Arben Vitia, ka njoftuar se së shpejti pritet të shtohet një shërbim i ri në shëndetësinë publike, screeningu neonatal.
Vitia, mes tjerash ka sqaruar rëndësinë e screeningut neonatal në shëndetin e fëmijëve: “Ky shërbim zbulon në kohë çrregullime të ndryshme e sëmundje të fshehta në mbrojtje të shëndetit mendor e fizik të fëmijëve”.
Ky program përfshin këto testime të rëndësishme:
Fenilketonuria (PKU) – një gjendje që mund të shkaktojë probleme në zhvillimin e trurit nëse nuk trajtohet.
Fibrozën Cistike – një sëmundje që prek mushkëritë dhe sistemin e tretjes.
Hipotireozën Kongjenitale – një problem me gjëndrën tiroide që mund të ndikojë në zhvillimin e foshnjave.
Galaktoseminë (GALT) – një çrregullim metabolik që pengon trupin të përpunojë galaktozën që është e rrezikshme nëse nuk diagnostikohet e trajtohet në kohë.
SMA (Atrofia Spinale Muskulare) – një sëmundje që prek muskujt dhe mund të çojë në dobësi të rëndë dhe probleme me lëvizjen nëse nuk diagnostikohet dhe trajtohet herët.