Një terapi hormonale e përdorur zakonisht për të parandaluar lindjet e parakohshme ndoshta nuk është efektive, raporton një studim i ri.
Mjekët kanë përshkruar trajtime vaginale me progesteron për të ndihmuar gratë shtatzëna në rrezik të vonojnë lindjen për aq kohë sa të jetë e mundur për të plotësuar normën e zhvillimit nëntë mujor të foshnjës në barkun e nënës, thanë studiuesit.
Por një studim i ri që përfshin më shumë se 1,600 gra shtatzëna me një histori të lindjes së hershme zbuloi se progesteroni vaginal nuk kishte asnjë efekt në lindjet e parakohshme, sipas rezultateve të publikuara në “JAMA Network Open”.
“Shpresa jonë është që ky informacion do t’i ndihmojë praktikuesit të drejtojnë bisedat me pacientët e tyre,” tha studiuesi kryesor Dr. David Nelson, shefi i divizionit të Mjekësisë Maternale-Fetale në Qendrën Mjekësore Jugperëndimore të Universitetit të Teksasit në Dallas.
“Sigurisht në popullata të ndryshme mund të ketë rezultate të ndryshme. Por në mesin e pacientëve tanë, ne nuk gjetëm përfitime të progesteronit vaginal kur jepej për një tregues të lindjes së parakohshme,” tha Nelson.
Lindja e parakohshme, njihet lindja e një foshnje midis javës 20 dhe 37 të shtatzënisë dhe kjo ndodh në rreth 1 në 10 lindje të gjalla në SHBA, thanë studiuesit.
Si Kolegji Amerikan i Obstetërve dhe Gjinekologëve ashtu edhe Shoqata për Mjekësinë Maternale-Fetale rekomandojnë terapinë me progesteron për gratë shtatzëna me lindje të mëparshme të parakohshme, thanë studiuesit.
Progesteroni vaginal është i disponueshëm si xhel, supozitor ose kapsulë, sipas burimit March of Dimes.
“Ndërsa fillojmë të kuptojmë më mirë shkaqet e ndryshme themelore të lindjes së parakohshme, shpresa jonë është që të mund të zhvillojmë trajtime që janë më të synuara dhe efektive për pacientet,” tha Dr. Catherine Spong, kryetare e obstetrikës dhe gjinekologjisë në UTSW. /Gazeta Shneta/