Vaksina e administuar dy herë në vit ishte 96 për qind efektive në parandalimin e infeksioneve me HIV tek meshkujt, sipas rezultateve të publikuara javën e kaluar.
Injeksioni ishte dukshëm më efektiv se pilula e përditshme orale PrEP (profilaksia para ekspozimit) në atë që studiuesit e quajtën një “përparim të thellë në mjekësi”, shkruan burimi Euronews Health përcjell Gazeta Shneta.
E quajtur lenacapavir, ai tashmë shitet me emrin e markës Sunlenca për të trajtuar infeksionet me HIV në SHBA, Kanada, Evropë dhe gjetkë. Më parë ishte treguar se ishte 100 për qind efektiv në parandalimin e infeksioneve me HIV në një studim të grave.
“Kjo është deri më tani më e lartë se çdo metodë tjetër parandalimi që kemi, saqë është e paprecedentë,” tha Winnie Byanyima, drejtoreshë ekzekutive e UNAIDS.
Prodhuesi i barnave Gilead tha se do të lejojë që versionet e lira, gjenerike të shiten në 120 vende të varfra me shkallë të lartë të HIV-it, kryesisht në Afrikë, Azinë Juglindore dhe Karaibe.
Ndërsa ka mënyra të tjera për t’u mbrojtur nga infeksioni, si prezervativët, pilulat e përditshme, unazat vaginale dhe injeksionet dy mujore, ekspertët thonë se vaksinat dy herë në vit nga Gilead do të ishin veçanërisht të dobishme për njerëzit e margjinalizuar që shpesh kanë frikë nga kërkimi i kujdesit, duke përfshirë burrat homoseksualë, punonjëset e seksit dhe gratë e reja. /Gazeta Shneta/